Í anda hugsunarháttar gegn sóun, hafa jólasveinarnir arkað grænum skrefum til byggða í ár. Við hjá Umhverfisstofnun fögnum þessari jákvæðu þróun! Um leið og við óskum ykkur gleðiðlegra jóla, hvejum við ykkur til að velja ykkur nokkra uppáhalds og tileinka ykkur siði þeirra á nýju ári!
Gleðileg jól og farsælt umhverfisvænna komandi ár!
Hleðslustaur kemur fyrstur,
stinnur eins og tré.
Hann laumast í bílskúra
og hleður bóndans vél.Ruslaplokka er önnur,
með græna pokann sinn.
Hún skríður niður í fjöru
og þá hverfur ósóminn.Nýtnir heitir sá þriðji,
stubburinn sá.
Hann krækir sér í afganga
þegar kostur er á.Sá fjórði, Skammtamælir,
var fjarskalega mjór.
Og ósköp var hann glaður,
þegar ekkert var óhóf.Sú fimmta, Sokkastoppa,
-skrítin kuldaskræfa.
Hún bætir sokka barna,
er þau tekst að svæfa.Sjötti kemur Skefill,
spenntur að sjá.
Að skafa úr ílátum
honum liggur á.Sjöunda þýtur Hjólabuna,
tryllitæki á.
Er fólkið situr fast á rauðu
fýkur hún framhjá.Leifasvelgur, sá áttundi,
nautnaseggur er.
Ef augun reka í afganga
beint í kjaftinn fer.Níundi er Restafrystir,
sparsamur og séður.
Er örðu eftir skilur systir,
frystur er moli téður.Tíundi kemur Gluggaþéttir,
passasamur drengur,
lokar og rafreikningum léttir,
varma eytt ei lengur.Ellefti er Dekkjaskelfir,
stríðnispúkinn sá.
Í heilsársdekk yfir skiptir
því ei vill nagla sjá.
Pokakrækja, sú tólfta
segir ,,ekkert einnota má.“
Ef í moltu ei fer til brota
hún lætur margnota fá.Á jólanótt hann Flöskusníkir,
mun skila flöskusjóð.
Til þeirra sem ekki eru ríkir
en þurfa klæðin góð.