Skráning á fundinn er nauðsynleg – sjá hér.
Þann 24. maí næstkomandi bjóða Saman gegn sóun, Sorpa, Úrvinnslusjóður og Tækniskólinn öllum sem starfa við og/eða hafa áhuga á hönnun, sölu, notkun, viðgerðum og endurvinnslu raftækja til fundar í Góða hirðinum.
Til að draga úr þeim neikvæðu umhverfisáhrifum sem raftæki hafa í för með sér er mikilvægt að hagsmunaaðilar ræði saman. Á fundinum hlýðum við á fyrirlestra og ræðum í sameiningu um stöðu raftækja í hringrásarhagkerfinu. Til umræðu verður einna helst hvað stendur í vegi fyrir því að við getum:
- dregið úr ofneyslu raftækja?
- lengt líftíma raftækja?
- aukið flokkun og endurvinnslu raftækja?
Fyrir hverja?
- Framleiðendur raftækja
- Verslanir sem selja raftæki
- Móttökuaðila raftækja
- Viðgerðaraðila raftækja
- Endursöluaðila raftækja
- Verkfæraleigur
- Fyrirtæki og stofnanir sem kaupa og nota raftæki
- Öll áhugasöm um raftæki og hringrásarhagkerfi
Sem fyrr segir fer fundurinn fram í Góða hirðinum þann 24. maí næstkomandi frá kl. 8:30-11. Skráning fer fram hér.
Fundinum verður ekki streymt.
Tengliðir verkefnisins eru Birgitta Steingrímsdóttir (birgittasteingrims@ust.is) og Þorbjörg Sandra Bakke (thorbjorgb@ust.is) hjá Saman gegn sóun.
Sjáumst í stuði!